Фармацыя святароў. “ІІ Ватыканскі Сабор – компас ІІІ тысячагоддзя”
“Няма фармацыі святароў
без тых, хто павінен фармацца. - адзначае эксперт нашага радыё па ІІ Ватыканскаму
Сабору, кс. Дарыюш Кавальчык - Менавіта таму дыкрэт Сабору пра фармацыю святароў пачынаецца
са сцвярджэння, што “абавязак падтрымліваць пакліканні мае ўся хрысціянская супольнасць”.
Сабор падкрэслівае таксама: з гэтага пункту гледжання “у найбольшай ступені гэтаму
садзейнічаюць сем’і, (…) якія становяцца як бы першай семінарыяй”. Пакліканні да святарства
нараджаюцца ў супольнасці дзе ёсць жывая вера, а не там, дзе чакаюць адмены цэлібату,
як сцвярджаюць некаторыя”, - гаворыць кс. Кавальчык.
Аўтар адзначае, што “Сабор
вызначыў пяць вымярэнняў святарскай фармацыі: духоўнае, інтэлектуальнае, пастырскае,
дысцыплінарнае і чалавечае. Паглыбленне адносінаў з Панам павінна суправаджацца ростам
чалавечай сталасці. Семінарыйная дысцыпліна не можа быць толькі знешняй, але павінна
спрыяць фарміраванню ў навучэнцаў сумленнай павагі да аўтарытэту настаяцеляў”.
“Інітэлектуальная
фармацыя павінна дапамагчы будучым святарам шукаць “вырашэння чалавечых праблем у
святле Аб’яўлення і выкарыстоўваць яго вечныя праўды ў зменлівых умовах жыцця”. Што
тычыцца пастырскай фармацыі, Сабор вылучае два аспекты: пастырска-сакрамэнтальны –
скіраваны да вернікаў, і “абавязак дапамогі блукаючым і няверуючым”. Для добрага выканання
гэтых заданняў, святар павінен навучыцца “заахвочваць і падтрымліваць апостальскую
дзейнасць свецкіх”, - адзначае кс. Дарыюш Кавальчык.
Наш эксперт заўважае,
што “фармацыя не датычыць толькі семінарыстаў. Яна павінна працягвацца таксама пасля
іх святарскага пасвячэння. Таму значнае заданне свецкіх вернікаў: не толькі фармавацца
дзякуючы святарам, але таксама спрыяць іх фармацыі”.