ֆիլատելֆիոյ Հայ Քոյրերու Վարժարանին աւանդութիւն դարձած է Վարդանանց տօնակատարութիւնը:
Տարիներ շարունակ աշակերտները կը վերակենդանացնեն Աւարայրի ճակատամարտը բեմին վրայ:
Քանի հայը կ՝ապրի, Վարդանանց յիշատակը անմառ կը մնայ անոնց սրտերուն մէջ: Տօնակատարութիւնը
սկսաւ Սուրբ Պատարագով, որ մատոյց Գերապատիւ Տէր Միքայէլ Վարդապետ Պասալէ, ի յիշատակ
Վարդանանց նահատակներուն: Մոնթէսորիի փոքրիկները իրենց անուշ ձայնով երգեցին Վարդանանց
երգեր եւ խոստացան արժանի ժառանգորդները մնալ քաջ Վարդանի՝ ծածանելով Վարդան Մամիկոնեանի
դրօշը: Չորրորդէն վեցերորդ դասարանի աշակերտները ներկայացուցին Աւարայրի ճակատամարտը
Տղմուտ գետի ափին: Անոնք հանդիսականները փոխադրեցին հինգերորդ դար, կրկին անգամ զօրացնելով
անոնց մէջ հայկական ոգին եւ մանաւանդ Աստուծոյ Սէրն ու Սուրբ Հաւատքը: