ААН: удзел жанчын у жыцці грамадства неабходны для яго сапраўднага развіцця
З нагоды Міжнароднага
жаночага дня, які адзначаецца 8 сакавіка, камісар ААН па правах чалавека Наві Пілай
скіравала спецыяльны зварот, у якім звярнула ўвагу на стан правоў жанчын ў свеце.
Камісар
адзначыла, што сёння жанчыны сустракаюцца з вялікімі рызыкамі, змагаючыся за сваю
годнасць, справядлівасць і правы чалавека. Асабліва гэта праяўляецца ў краінах Блізкага
Усходу і Паўночнай Афрыкі, дзе жанчыны актыўна ўдзельнічаюць у масавых пратэстах.
Праваабаронца адзначае, што яны разам з мужчынамі, змагаюцца за паляпшэнне палітычнага
і эканамічнага жыцця сваіх краін, супрацьстаяць рэпрэсіям, карупцыі і сацыяльнай несправядлівасці.
“На
жаль, адзначае праваабаронца, шматлікія жанчыны падвяргаюцца катаванням і арыштам.
Часта разбураецца іх семейнае жыццё. Яны складаюць большасць сярод безпрацоўных. Іх
праца ў прыватным сектары аплочваецца менш, чым праца мужчын. Акрамя таго, жанчыны
маюць менш магчымасцяў удзельнічаць у палітычным жыцці”. “Ва ўсім свеце назіраецца
няроўнасць паміж жанчынамі і мужчынамі ў сферы адукацыі, працы і заробку”, - адзначае
Наві Пілай.
“Грамадства, у якім жанчыны, фармальна ці не, пазбаўлены магчымасцяў
удзелу ў грамадскім жыцці, не можа называцца дэмакратычным. Жанчыны павінны быць задзейнічаны
ў рэформах і будаванні будучыні краін ад самага пачатку. Гэта неабходна не толькі
для іх эмансіпацыі, але для сапраўднага прагрэсу грамадства”, - падкрэсліла ў сваім
звароце на Міжнародны жаночы дзень камісар ААН па правах чалавека Наві Пілай.