Пасля сённяшняй малітвы
“Анёл Панскі”, Святы Айцец звярнуўся да прысутных з заклікам абароны рэлігійнай свабоды
ўсіх людзей, і запэўненнем у малітве за ахвяры крывавых падзей ў Лівіі. Папа таксама
ўзгадаў, нядаўна забітага ў Пакістане, Шахбаза Бхаці, католіка, міністра па справах
рэлігійных меншасцяў.
"Пастаянна і з вялікім заклапочаннем назіраю за напружанасцю,
якая ў гэтыя дні мае месца ў розных краінах Афрыкі і Азіі", - сказаў Бэнэдыкт XVI.
Успамінаючы,
забітага 2 сакавіка талібамі, міністра па справах рэлігійных меншасцяў Пакістана,
Пантыфік сказаў: "Прашу Пана Езуса, каб узрушаючая ахвяра жыцця пакістанскага міністра
Шахбаза Бхаці абудзіла ў сумленнях мужнасць і прыхільнасць справе абароны рэлігійнай
свабоды ўсіх людзей, і тым самым паспрыяла іх роўнай годнасці".
Звяртаючыся
да сітуацыі ў Лівіі, дзе нядаўнія сутыкненні прывялі да шматлікіх ахвяраў і абвастрэння
гуманітарнага крызісу, Папа сказаў, што "ўсіх ахвяраў і тых, якія знаходзяцца ў складанай
сітуацыі, запэўніваю ў маёй малітве і блізкасці". Ён заклікаў да дапамогі і падтрымкі
людзей, якія пацярпелі ад гэтых падзей.