Սինկափուրի Փոքրիկ Հայ Գաղութը Պիտի Նշէ Հայկական եկեղեցւոյ 175-ամեակը.

Մարտ 26-ին, (2011) Սինկափուրի մէջ պիտի նշուի Ս. Գրիգոր Լուսաւորիչ Հայկական Եկեղեցւոյ օծման 175-ամեակը: «Տը Սթրէյթս Թայմզ» թերթը կը գրէ, որ 1836ին Սինկափուրի մէջ կը բնակէին միայն 34 հայեր. թերթը կ՛աւելցնէ. «Անոնք շատ կրօնասէր մարդիկ էին. Սինկափուրի մէջ կառուցեցին առաջին քրիստոնէական եկեղեցին եւ մեծ աւանդ ունեցան Սինկափուրի պատմութեան մէջ»։
՝՝Տը Սթրէյթս Թայմզ՝՝թերթը 1845ին հիմնուած է հայազգի Խաչիկ Մովսէսի կողմէ։ Իսկ Հայազգի Սարգիս եղբայրները 1888ին հիմնած են «Ռաֆըլզ» պանդոկը։ Իսկ Հայուհի Ակնէս Յոաքիմ աճեցուցած է աշխարհի մէջ Վանտա խոլորձի (orchid) առաջին սերմը՝ որ է Սինկափուրի ազգային ծաղիկը։