Бэнэдыкт XVI да семінарыстаў: пайсці за Хрыстом – азначае дзяліць з Ім пакуты і крыж
"Я заклікаю вас паводзіць
сябе годна пакліканню, якое вы атрымалі" - гэтымі словамі звярнуўся Бэнэдыкт XVI да
студэнтаў Рымскай духоўнай семінарыі, якую наведаў увечары, 4 сакавіка. Традыцыйны
ўжо візіт быў звязаны з адзначэннем свята Маці Божай Даверу, апякункі семінарыі.
У
сваім “lectio divina” Папа сказаў пра неабходнасць захавання "адзінства духа" і якасцяў,
неабходных для святара ў выкананні яго місіі. Гэта: пакора, сціпласць, церпялівасць
і адносіны ў любові адзін да аднаго. Бэнэдыкт XVI назваў іх "якасцямі хрысталагічнымі".
Святы
Айцец звярнуў увагу будучых святароў на высокую цану, якую ім прыдзецца зарлаціць
за сваё пакліканне: пайсці за Хрыстом, - патлумачыў Пантыфік – азначае дзяліць з Ім
пакуты і крыж.
Гаворачы аб канкрэтнай рэалізацыі святарскага паклікання, Папа
звярнуў увагу на працу ў парафіі: "Прыміце, ажыўляйце парафію, усіх людзей, як спагадлівых,
так і недружалюбных – сказаў Святы Айцец. У любым выпадку, канчатковая мэта святарства,
- дадаў Бэнэдыкт XVI - "наследваць Езуса", "стаць такім, як Ён у канкрэтных жэстах",
іншымі словамі, "дзейнічаць, як Езус".