Պենետիկտոս ԺԶ Սրբազան Քահանայապետի Գործունէութիւնը

Այս առաւօտ նորին սրբութիւնը իր գրասենեակի մէջ ընդունեց Տիար Րակնար Կրիմսոն` իզլանտայի հանրապետութեան նախագահը անոր կողակիցը եւ իրեն ընկերացող շքախումբը։ Ժամը 11.45-ին Սրբազան Քահանայապետը հանդիպում ունեցաւ Հաւատքի քահանայապետական ժողովի քարտուղար՝ Գերապայծառ Լուիս ֆրանսիս Լատարիայ ֆէրրէրի հետ։ իսկ ժամը 12.15-ին՝ ունկնդրութիւն շնորհեց Սուրբ Աթոռի մօտ Խրուաթիոյ դեսպան՝ Տիար Էմիլիօ Մարինիի ու անոր կողակիցին, հրաժեշտի այցելութեան առիթով։

Յետ միջօրէին Պենետիկտոս ԺԶ Սրբազան Քահանայապետը հանդիպում կ՛ունենայ Հռոմի թեմի ժառանգաւորներուն հետ, Լատերանի պալատի մեծ մատրան մէջ ՜՜Վստահութեան Տիրամօր՝՝ տօնին առթիւ, պաշտպանը՝ Հռոմի աւագ նորընծայարանին։