У Іспаніі пройдзе кангрэс каталіцкіх універсітэтаў

У Авіле (Іспанія) у жніўні адбудзецца Сусветны кангрэс каталіцкіх універсітэтаў. Галоўная тэма сустрэчы - "Крызіс ідэнтычнасці каталіцкага універсітэта", - паведамляе агенцтва “Аciprensa”.

Прадстаўнікі больш за 50 каталіцкіх універсітэтаў з 20 краін свету сустрэнуцца 2-14 жніўня. 7 іспанскіх ВНУ і 30 з іншых краін арганізавалі гэтае мерапрыемства і запрасілі для ўдзелу выкладчыкаў усіх каталіцкіх універсітэтаў, студэнтаў, прадстаўнікоў навукова-даследчых цэнтраў і біскупскіх канферэнцый.

Сярод універсітэтаў, якія да цяперашняга часу пацвердзілі свой удзел у форуме, значацца Папскі каталіцкі ўніверсітэт Аргенціны, Каталіцкі ўніверсітэт Брэшыа (ЗША), Каталіцкі ўніверсітэт Ружамберка (Славакія), Універсітэт Куэнка-Асогес (Эквадор); Універсітэт Дона Боска (Асам, Індыя) і інш .