Лівія: гуманітарная дапамога не трапляе ў зоны ахопленыя канфліктам
Міжнародная арганізацыя
“Урачы без межаў” заклікае да “павагі да медыцынскіх структураў і да права насельніцтва
свабодна атрымліваць медыцынскую дапамогу”. Такі зварот звязаны з сітуацыяй, якая
склалася ў Лівіі, дзе гуманітарная дапамога не трапляе ў зоны ахопленыя канфліктам.
“Справа ў тым, што некалькі дзён таму арганізацыя “Урачы без межаў” атрымала
замову на лекі і медыцынскае абсталяванне з горада Місурата, у якім знаходзіцца шмат
параненных у выніку гвалту. Аднак мы не можам патрапіць у горад, бо дарогі заблакаваныя
ўзброеннымі людзьмі”, - распавядае Анна Шатэлян, медыцынскі каардынатар гэтай арганізацыі
ў Бенгасі.
Акрамя таго, “Урачы без межаў” валодаюць інфармацыяй аб тым, што
многія параненыя, якія знаходзяцца ў Трыпалі, не могуць карыстацца паслугамі шпіталёў,
з-за страху пераследу з боку ваенных. З гэтай прычыны, многія мясцовыя ўрачы лечаць
іх прыватна. “Яны маюць патрэбу ў леках і іншых матэрыялах, неабходных для лячэння
параненных. Аднак, іх пастаўка сёння з’яўляецца немагчымай”, - кажуць прадстаўнікі
арганізацыі “Урачы без межаў”.