Kosova e dënon atentatin e të riut kosovar kundër ushtarëve amerikanë
Kosova e pikëlluar për atentatin e një të riu kosovar kundër ushtarëve amerikanë në
Aeroportin e Frankfurtit. Kosovarët të indinjuar për veprën kriminale të të riu 21
vjeçar Arid Uka me prejardhje nga Kosova që shkaktoi humbjen e jetës së njerëzve të
pafajshëm në Gjermani të një Vendi si Amerika që ndihmoi kosovarët në betejën e tyre
për liri. Më tepër nga Prishtina të ndjekim shërbimin e Raie Ibrajt..... Kosova e pikëlluar
dhe e turpëruar njëkohësisht për ngjarjen tragjike, sulmin ndaj ushtarëve amerikane
në aeroportin e Frankfurtit të Gjermanisë ku mbeten të vrarë dy ushtare e dy u plagosën.
Por, ajo që ka shqetësuar më së shumti popullin e Kosovës është se krimineli i ri,
vetëm 21 vjet Arid Uka, ishte me prejardhje nga Kosova, por i lindur dhe rritur në
Gjermani. Kushëriri i tij nga Zhabari i Mitrovicës me plot turp ka deklaruar së, ky
krim më mirë të kishte ndodhur në familjen e tij se sa mbi ushtarët amerikanë. Edhe
krerët e Institucioneve te vendit kanë reaguar ashpër duke e dënuar ketë akt kriminal,
të cilin e kanë cilësuar krim ndaj Kosovës. Ata kane shprehur ngushëllimet e tyre
familjarëve të te vrarëve, Qeverisë dhe mbare popullit amerikan, duke shtuar se ky
rast mbetet individual sepse populli i Kosovës nuk e harrojnë kurrë ndihmën e madhe
të Amerikës. Marrja e Zotit është një titull gazete duke pasuar tituj të
tjerë gazetash me dhimbje e turp për ketë ngjarje tragjike që ka shokuar popullin
e Kosovës. Virusi ANTI amerikan apo faleminderit Perëndim! Është një koment i cili
dënon rastin dhe falënderon Amerikën, e cila siç thuhet, Shqipërinë dhe Kosovën apo
ndryshe tokën shqiptare e nxori nga kthetrat pushtuese dhe e vendosi në Evropë, në
tokën së cilës i takojnë. Prandaj, ne e kemi lehte te integrohemi ne Evropë, sepse
jemi një kulture e përbashkët me Evropën. Jemi vendi dhe populli i Shën Jeronimit,
jemi populli dhe pika nga u nis për rrugë gjithandej Evropës Shën Pali e Pjetri dhe
Shën Albani. Gjithmonë jemi nisur drejt Evropës, duke i bërë rezistencë pushtimeve
pesëqindvjeçare të hordhive osmane që vinin duke u zhdjergur që nga stepat dhe shkretëtirat
e Azisë. Ndërsa, Amerika është ajo, e cila na e ktheu nderin e dinjitetin e nëpërkëmbur
kombëtar, por ndonjë shqipfolës sot fatkeqësisht po del dhe po bënë krime antiamerikane,
thotë editoriali, i një gazete të sotme ditore.