“Бэнэдыкт ХVI занепаконы
крызісам у Лівіі”, - заявіла сёння, пасля прыватнай сустрэчы з Папам, дырэктар Сусветнай
Харчовай Прагарамы, Жазэтт Шыран.
Яна паінфармавала Святога Айца аб сваёй нядаўнай
місіі на мяжы паміж Лівіяй і Тунісам. Дырэктар была непасрэдным сведкам уцёку дзесяткаў
тысяч людзей, адзіным жаданнем якіх было пазбегнуць гвалту і вынікаў гуманітарнага
крызісу. Папа выказаў сваю занепакоенасць лёсам нявінных людзей. Жазэтт Шыран падзякавала
Бэнэдыкту ХVI за яго дапамогу галадаючым ва ўсім свеце. “У перыяд росту коштаў харчавання
і нафты, а таксама палітычных змен, якія закранаюць мільёны людзей, што пакутуюць
ад голаду, дапамога Каталіцкага Касцёла і яго устаноў, мае важнае значэнне ў падтрымцы
працы Сусветнай Харчовай Праграмы на карысць найбольш слабым”, - сказала Жазэтт Шыран.
Сусветная
Харчовая Праграма з’яўляецца ўстановай ААН, пакліканай да барацьбы з глабальным голадам.
Яе сядзіба знаходзіцца ў Рыме а офісы ў больш за 80 краінах свету.