Ati i Shenjtë përshëndet kryeipeshkvin e Tivarit imzot Zef Gashin, në mbarim të audiencës
Në mbarim të audiencës së përgjithshme, mbajtur paradite në Vatikan, Papa Benedikti
XVI përshëndeti personalisht imzot Zef Gashin kryeipeshkvin e Tivarit e zëvendës kryetarin
e Konferencës Ipeshkvnore Katolike Ndërkombëtare ‘Shën Cirili e Metodi’, së bashku
me kryetarin e kësaj konference, imzot Stanislav Hoçevar, kryeipeshkëv i Beogradit
e sekretarin e saj, ipeshkvin e Zrenjaninit të Vojvodinës, imzot Laszlo Memet. Kryesia
e kësaj konference ndërkombëtare ipeshkvnore ‘Shën Cirili e Metodi’ e themeluar më
1994, gjendet këtyre ditëve për vizitë në Vatikan me rastin e paraqitjes së kërkesës
pranë Selisë së Shenjtë për rishqyrtimin dhe riorganizimin e saj. Kujtojmë se në këtë
Konferencë Ipeshkvnore Katolike bëjnë pjesë dioqezat e Malit të Zi, të Kosovës, Vojvodinës,
Serbisë e Maqedonisë që kanë gjuhë e tradita të ndryshme. Kërkesa e riorganizimit
bëhet në saje të rrethanave të reja të krijuara me shpërbërjen eish-Jugosllavisë
dhe të nevojave baritore që ka çdo dioqezë në vete në shumë aspekte. Më hollësisht
mbi takimin e sotëm me Papën e këtë çështje, të dëgjojmë imzot Zef Gashin në mikrofonin
e Radio Vatikanit......