Патрыярх Ільля II заклікае ўлады Грузіі і Расіі да дыялогу
Каталікос-Патрыярх
усяе Грузіі Ільля II заклікае ўлады Грузіі і Расіі да дыялогу, - гаворыцца ў распаўсюджанай
Грузінскім Патрыярхатам заяве. “Звяртаюся да ўладаў абедзвюх дзяржаў, заклікаю іх
праявіць мудрасьць, смеласць і пачаць дыялог на розных узроўнях, для таго каб вырашыць
назапашаныя складаныя пытанні”, - адзначаецца ў заяве.
У ёй падкрэсліваецца,
што з-за неўрэгуляваных канфліктаў і праблем, на Каўказе захоўваецца цяжкае становішча,
а тое, што паміж Грузіяй і Расіяй не існуе дыялогу, яшчэ больш ускладняе сітуацыю.
Паводле высноваў Патрыярха, гэта сітуацыя выклікае недавер паміж бакамі, што перашкаджае
вырашэнню праблем.
“Мы павінны прыкласці ўсе намаганні, каб не дапусціць захавання
і паглыблення негатыўных працэсаў. Мы павінны ўлічыць урокі мінулага і глядзець у
будучыню, улічваючы інтарэсы нашых народаў і краін. Мы павінны памятаць мудрыя словы:
“Пакуль бачыш ўзыходзячае сонца, бачыш свайго суседа”. Працяг варожых адносін паміж
суседзямі недапушчальны”, - адзначаецца ў заяве Патрыярха ўсяе Грузіі.
Крыніца
паведамляе, што дэлегацыя Грузінскай Праваслаўнай Царквы адправілася ў Расію. У рамках
візіту члены дэлегацыі правядуць у Маскве перамовы з прадстаўнікамі Рускай Праваслаўнай
Царквы. Запланавана сустрэча з Патрыярхам Кірылам. Грузінская дэлегацыя прабудзе ў
Маскве да канца тыдня.