Дэкрэт “Christus Dominus”. “ІІ Ватыканскі Сабор - компас ІІІ тысячагоддзя”. Выпуск
17
“Без біскупа, Касцёл
не існуе” - сказаў на пачатку другога стагоддзя святы Ігнацый з Антыёхіі. Адным з
плёнаў Сабора, - піша ў сваёй рубрыцы, прысвечанай спадчыне ІІ Ватыканскага Сабора
кс. Дарыюш Кавальчык, - было ўмацаванне ролі біскупаў, якія “займаюць месца Апосталаў
як пастыры душ” (2).
Прапаведванне Евангелля з’яўляецца адным з асноўных абавязкаў
біскупа. Яго абвяшчэнне, аднак, не з’яўляецца абстрактнай справай, але адносіцца да
ўсяго таго, што мае важнае значэнне для жыцця чалавека. У дэкрэце “Christus Dominus”
чытаем: “Біскупы няхай навучаюць таму, як трэба ставіцца, згодна з вучэннем Касцёла,
да чалавечай асобы, яе свабоды і самога цялеснага жыцця; да сям’і, (...) да нараджэння
і выхавання патомства; да цывілізаванага грамадства, яго законаў (...) і прафесій,
працы і адпачынку, мастацтваў і тэхнічных вынаходстваў” (12). Хацелася б спадзявацца,
што біскупы ўсіх мясцовых Касцёлаў будуць мець такую шырокую перспектыву.
Каб
выканаць сваю місію біскупы мусяць, - падкрэслівае Сабор, - цешыцца “поўнаю і дасканалаю
свабодаю і незалежнасцю ад любой грамадзянскай улады”. З іншага боку, біскупы павінны
ўлічваць у сваёй паслузе дзейнасць органаў дзяржаўнай улады ў садзейнічанні справядліваму
закону.
Іншая задача біскупаў у тым, каб садзейнічалі належным адносінам са
святарамі: “лічылі іх сынамі і сябрамі, ахвотна выслухоўвалі і ставіліся да іх з даверам
і добразылівасцю” (16). Такім чынам, біскуп павінен мець час для сваіх святароў, каб
стварыць “адну сям’ю, айцом якой з’яўляецца біскуп” (28).
Нарэшце, Сабор нагадаў
біскупам аб больш цесным супрацоўніцтве паміж імі. Адной з формаў такога супрацоўніцтва
з’яўляецца стварэнне Канферэнцый Біскупаў. Яны, аднак, не з’яўляюцца як праўленні,
але хутчэй як асамблеі сяброў, якія сумесна ажыццяўляюць сваё п_астырскае служэнне.