Thirrje e UNICEF-it. “Të mbrohen fëmijët me çdo kusht” në Afrikën Veriore dhe në Lindje
të Mesme.
(01.03.2011 RV)“Unicef-i, sipas agjencisë Sir – është i gatshëm të ofrojë asistencë
në rast nevoje dhe iu bën thirrje të gjithë njerëzve të mbrojnë fëmijët me çdo kusht.
Këtë pohon Fondi i Kombeve të Bashkuara për Fëmijët duke shprehur “shqetësim të thellë
për lajmet që flasin për fëmijë dhe adoleshentë të vrarë e të plagosur në shkallëzimin
e dhunës në vendet e Lindjes së Afërt dhe të Afrikës veriore”. Gjendja është veçanërisht
alarmante në Libi, ku Këshilli i Sigurisë bëri thirrje për asistencë humanitare ndërkombëtare
dhe shfaqi shqetësim për mungesën e furnizimeve me barna. Nga Brukseli, drejtori i
përgjithshëm i UNICEF-it Enthoni Leik, kujtoi se asnjë fëmijë nuk duhet të ekspozohet
ndaj asnjë lloj rreziku, i çfarëdo lloji qoftë, sepse kjo mundet të ketë pastaj edhe
pasoja afatgjata në jetën dhe mirëqenien psikologjike të fëmijës.