Në Kosovë opozita LDK, AAK dorëzon ankesën për Pacollin në Kushtetuese
Në Kosovë LDK-ja dhe AAK-ja kërkojnë shqyrtimin e zgjedhjes së presidentit Pacolli,
e për këtë, sot në Gjykatën Kushtetuese dorëzuan ankesën që kundërshton procedurën
e zgjedhjes së presidentit Behxhet Pacolli, në mbledhjen e jashtëzakonshme të Kuvendit,
javën e kaluar. Vjosa Osmani, deputete e LDK-së, e cila e dorëzoi në gjykatë këtë
ankesë, tha se dy partitë opozitare - LDK dhe AAK dyshojnë në mënyrën se si është
zgjedhur Pacolli president, prandaj kërkojnë interpretim ligjor nga Gjykata Kushtetuese. Osmani
tha se çdo vendim i Gjykatës Kushtetuese do të jetë i pranueshëm për LDK-në. Ndërkohë,
në këtë lëndë, sipas Osmanit, nuk përfshihet edhe argumenti tjetër – votimit të Qeverisë
së re nga ana e Pacollit si president i Kosovës. Kjo, sipas saj, do të jetë pikë e
veçantë që do të dorëzohet në Gjykatën Kushtetuese.