Յովհաննէս Պետրոս ԺԸ. Գասպարեան վաստակաւոր կաթողիկոս պատրիարքի մահուան քառասունք։ Պէյրութ 

Կիրակի 27 փետրուարին (2011 ) առաւօտեան ժամը 11.30-ին, երջանակայիշատակ Յովհաննէս Պետրոս ԺԸ. Գասպարեան վաստակաւոր կաթողիկոս պատրիարքի (1982-1999) մահուան քառասունքին առթիւ տեղի ունեցաւ հանդիսաւոր սուրբ Պատարագ նախագահութեամբ ամենապատիւ տէր Ներսէս Պետրոս ԺԹ. կաթողիկոս պատրիարքին, Սուրբ Գրիգոր Լուսաւորիչ - Սուրբ Եղիա Աթոռանիստ եկեղեցւոյ մէջ, Պէյրութ։ Այս հանդիսաւոր սուրբ Պատարագին մասնակցեցան բարձրաստիճան պետական եւ զինուորական անձնաւորութիւններ, հոգեւորականներ, հանգուցեալին հարազատները եւ հաւատացեալներու հոծ բազմութիւն մը: