Në Indi, pranohet apelimi kundër ligjit, që nuk lejon ndryshimin e fesë së hindusitëve
Lajm i mirë për dialogun ndërfetar në Indi. Gjykata e Lartë e shtetit të Himahal Pradeshit,
pranoi apelimin, sipas të cilit i ashtuquajturi “ligj kundër kthimeve në fe të tjera”
është antikushtetues. Ky ligj i pengon besimtarët hinduistë të kthehen në fe të tjera,
por jo të kundërtën, pra, çdo besimtar i feve të tjera mund të bëhet hinduist. “Freedom
of Religion Act”, Akti për Lirinë e Fesë – kështu quhet ligji – është në fuqi në pesë
shtete indiane që nga viti 2006. Viktima të tij janë sidomos misionarët e krishterë,
që akuzohen nga ekstremistët hinduistë për prozelitizëm në mesin e indianëve dalit
dhe të atyre jashtë kastave.