Венгрыя: новая кніга біскупа Шэкелі аб цыганах

У Венгрыі адбылася прэзентацыя новай кнігі дапаможнага біскупа Эштергом-Будапешскага Янаса Шэкелі прысвечаная гісторыі і культуры цыган.

Біскуп Шэкелі, з’яўляецца адказным за душпастырства цыган у Венгрыі. Акрамя таго, ён з’яўляецца даследчыкам гэтага народа, які налічвае 700 тысяч чалавек з 10 міліённага насельніцтва Венгрыі.

Ягоная кніга называецца “Этнаграфія цыган”. Яна напісана вельмі даступнай мовай і ўтрымлівае шмат каляровых выяваў. Кніга адрасавана ў першую чаргу школьнікам, а таксама тым, хто хоча ведаць больш аб гісторыі, традыцыях і актуальных апраблемах цыган. Аўтар распавядае таксама аб вядомых асобах, якія маюць цыганскія карані. Сярод іх шматлікія палітыкі, мастакі, спартсмены, і нават святыя, як, напрыклад, мучаніца Цэферына Іменэз Малла.

Біскуп Шэкелі, займаецца інтэграцыяй цыган у венгерскае грамадства, перш за ўсё ў адукацыйнай сферы. Ён падкрэслівае важнасць гэтага працэсу, таму што большасць цыган саромеюцца сваіх каранёў. “Важна дапамагчы ім захаваць сваю ідэнтычнасць. Поспех гэтага залежыць аб таго наколькі кожны з нас здольны прымаць іншага”, адзначыў венгерскі біскуп.