Францыя: сустрэча паміж Святым Пасадам і прадстаўнікамі яўрэйскай супольнасці
Заснаваны у постсаборны
час, у 1971 годзе, Міжнародны камітэт па адносінах паміж католікамі і яўрэямі адзначыць
свой 40 юбілей у Парыжы ў нядзелю 27 лютага. Да 3 сакавіка ў сталіцы Францыі будзе
праходзіць 21 сустрэча паміж Святым Пасадам і Міжнародным яўрэйскім камітэтам па міжрэлігійных
кансультацыях (IJCIC). У ёй прыме ўдзел таксама французская біскупская канферэнцыя.
Форум пройдзе ў парыжскім каледжы бернардынаў.
"Дзень нараджэння" будзе адзначацца
з вялікай радасцю, сказаў французскі каталіцкі тэолаг Патрык Дэбуа, які з'яўляецца
дарадцам Святога Пасаду па адносінах з яўрэямі. У ватыканскую дэлегацыю ўвойдуць,
між іншым, кардынал Курт Кох і кардынал Жан-Луі Таран, а таксама Лацінскі Патрыярх
Іерусаліма Фуад Туаль. Яўрэйскі бок будзе прадстаўляць у прыватнасці рабін Давід Розен
з Іерусаліма. Урачыстасці стануць пацвярджэннем намаганняў па хрысьціянска-яўрэйскаму
дыялогу, які прыносіць добрыя плёны, асабліва ў Францыі, лічыць Дэбуа.
Сустрэчы
паміж Святым Пасадам і Міжнародным яўрэйскім камітэтам па міжрэлігійных кансультацыях
праводзяцца кожныя два гады, апошняя адбылася ў лістападзе 2008 г. у Будапешце. Размовы
ў той час былі сканцэнтраваныя ў асноўным на тэме ролі рэлігіі ў сучасным грамадстве
і каталіцка-яўрэйскіх адносінаў ва Усходняй Еўропе. Было адзначана, што існуе паразуменне
паміж католікамі і яўрэямі, якое развіваецца і вядзе да агульнай атмасферы супрацоўніцтва.