З 22 па 23 лютага
ў Бруховічах, каля Львова, адбылася сустрэча ўкраінскіх біскупаў лацінскага і візантыйскага
абрадаў. Яе ўзначалілі: Апостальскі Адміністратар Грэка-каталіцкай Царквы, арцыбіскуп
Ігар Возняк і старшыня Канферэнцыі Каталіцкіх Біскупаў Украіны, Мітрапаліт Львоўскі,
арцыбіскуп Мечыслаў Макшыцкі. Асноўнымі тэмамі нарады былі небяспека з боку новых
рэлігійных плыняў і рухаў і падрыхтоўка да святкаванняў 10 гадавіны пілігрымкі Яна
Паўла ІІ на Украіну.
У сустрэчы прыняў удзел арцыбіскуп Іван Юркавіч, былы
Апостальскі Нунцый на Украіне, які 19 лютага быў прызначаны дыпламатычным прадстаўніком
Апостальскай Сталіцы ў Расійскай Федэрацыі. Сабраныя падзякавалі арцыбіскупу Юркавічу
за 7 гадоў служэння на Украіне, а таксама развіталіся з кардыналам Любамірам Гузарам,
адстаўку якога з пасады кіраўніка Украінскай Грэка-каталіцкай Царквы, прыняў 10 лютага
2011 г. папа Бэнэдыкт XVI.
Сустрэчы каталіцкіх біскупаў абодвух абрадаў адбываюцца
рэгулярна, два разы ў год.