Бэнэдыкт XVI выказаў спачуванні народу Новай Зеландыі
Папа Бэнэдыкт XVI
накіраваў свае спачуванні народу Новай Зеландыі ў сувязі з землятрусам, які адбыўся
ў гэтай краіне. У тэлеграме на імя Біскупа горада Крайстчэч Бары Джонса, падпісанай
кардыналам Дзяржсакратаром Тарчызіо Бэртонэ, Святы Айцец кажа аб вялікім смутку, з
якім прыняў трагічную навіну аб землятрусе і шматлікіх ахвярах у горадзе Крайстчэч.
Папа выказвае сваю духоўную блізасць з усімі пацярпелымі і накіроўвае свае
спачуванні сем'ям загінуўшых. Давяраючы памерлых міласэрнай любові Бога, Пантыфік
запэўнівае жыхароў горада і народ Новай Зеландыі ў сваёй малітве за ўсіх, хто працуе
па выратаванні пацярпелых. Святы Айцец просіць Усемагутнага Бога для народа краіны
благаслаўлення, мужнасці і сілы.