Behgjet Pacolli presidenti i ri i Kosovës. Thaçi konfirmohet kryeministër
(23.02.2011 RV)Parlamenti i Kosovës zgjodhi dje Behgjet Pacollin në postin
e presidentit të Republikës. Hashim Thaçi u konfimua në postin e kryeministrit. Partitë
kryesore të opozitës bojkotuan seancën, në protestë për kandidaturën e Pacollit, të
cilin e akuzojnë për lidhjet e tij afariste me Rusinë. Sipas opozitës, Pacolli ka
hyrë në politikë për qëllime biznesi. Gjithsesi, ai ishte i vetmi kandidat për
president dhe fitoi, në raudin e tretë të votimeve, 62 nga 120 votat parlamentare.
Kujtojmë se Behgjet Pacolli është i njohur për ristrukturimin e Kremlinit, gjë për
të cilën kosovarët nuk e duan, pasi dëshmon lidhjet e ngushta me Rusinë, aleate e
Serbisë. Presidenti i ri, i cili dha sot dorëheqjen nga detyrat, qe kryente në partinë
Aleanca për Kosovën e Re, premtoi se do të punojë për të gjithë kosovarët, pavarësisht
nga etnia dhe i përshëndeti serbët në gjuhën e tyre. Për të pasur shumicën, që do
ta lejojë qeverinë të kryejë detyrën e saj, Pacolli e Thaçi do të kenë nevojë për
votën e pakicave etnike.Të dëgjojmë informacionin e Rabije Ibrajt nga Prishtina