Konferenca e shtypit për paraqitjen e Mesazhit të Krezhmëve 2011
(22.02.2011 RV)Ky mesazh i Papës
për Krezhmët 2011 u paraqit sot paradite në Sallën e Shtypit të Vatikanit. Ndër të
pranishmit, kryetari i Këshillit Papnor “Cor Unum”, kardinali Robert Sarah, komentoi: “Ja
aventura, që na propozon Papa Benedikti për këto Krezhmë. Për Pashkë, kur të korrim
ç’kemi mbjellur, “njeriu i vjetër” brenda nesh do të zhduket. Në këtë mënyrë, përmes
Hirit Hyjnor, mund të ngrihemi e të bëhemi krijesa të reja. Ftesa e Papës nuk është
utopi!” Gjatë konferencës për shtyp, u tha edhe se Benedikti XVI ka dhënë
2 milion dollarë ndihma për Haitin dhe u paraqit puna e organizmit laikal femëror
“Manos Unidas” (Duar të Bashkuara), lindur në Spanjë dhe i pranishëm në mëse 60 vende
të botës, me mijëra projekte.