COMECE: заява кіраўнікоў еўрапейскай дыпламатыі – крок у правільным кірунку
Як "крок у правільным
кірунку" ахарактэрызавала Камісія Епіскапатаў Еўрапейскай Супольнасці (COMECE) заяву
Рады міністраў замежных спраў краін Еўрапейскага саюза ў справе рэлігійных пераследаў.
Кіраўнікі знешнепалітычных ведамстваў 27 дзяржаў-членаў ЕС рашуча асудзілі "гвалт
і акты тэрарызму", якія адбыліся "у апошні час у розных краінах супраць хрысціянам
і іх месцам культу, мусульманскім пілігрымам і іншым рэлігійным супольнасцям".
Яны
выказалі шкадаванне, што "ні адзін рэгіён свету не свабодны ад рэлігійнай нецярпімасці".
Міністры пацвярджаюць намаганні ЕС на "прапаганду і абарону свабоды рэлігіі і перакананняў
без усялякага роду дыскрымінацыі". Яны таксама заклікалі Кэтрын Эштан, Вярхоўнага
прадстаўніка Еўрасаюзу па знешняй палітыцы, каб зрабіла справаздачу з ужо зробленай
працы і прадставіла "канкрэтныя прапановы па далейшаму ўмацаванню дзеянняў ЕС у гэтай
галіне".
У спецыяльным пасланні COMECE кажа, што "правільны кірунак і палітычная
воля дазволілі заняць цвёрдую пазіцыю", якая неабходна для барацьбы са шматлікімі
актамі тэрарызму і сектанцтва ў дачыненні да хрысціянаў на ўсім свеце". - Бяспека
і выжыванне хрысціянскіх супольнасцяў, асабліва на Блізкім Усходзе, патрабуюць канкрэтных
дзеянняў - гаворыцца ў дакуменце Камісіі Епіскапатаў Еўрапейскай Супольнасці.