Kalimi i disa kardinajve nga Urdhëri i diakonëve, në Urdhërin e presbiterve. Protodiakoni
i ri është Kardinali Toran.
(21.02.2011 RV)Me kërkesën e kardinalitAgostino Kaçiavilan, diakonia
e Engjëjve të Shenjtë të Rojës, u lartua në titullin presbiterial dhe iu caktua të
njëjtit kardinal. Po kështu edhe diakonitë e Shën Eustakut; Shën Nikollit
në burg; Shën Jeronimit të bamirësisë; Gjithë Shenjtorëve, në Rrugën Romake Apia e
Re; Shën Injacit të Lojolës, në Kampo di Marcio, iu caktuan kardinajve, që shprehën
dëshirën, përkatësisht: kardinajve Serxhio Sebastiani, Zenon Groholevski, Horhe Maria
Mehia, Valter Kasper, Roberto Tuçi. Në vijim të kërkesave të kardinalit Kaçavilan
për Urdhërin presbiterial, në detyrën e Protodiakonit u caktua kardinali Zhan-Lui
Toran, diakon i Shën Apolinerit në Termet Neroniane-Aleksandrine, konfirmuar nga Ati
i Shenjtë në këtë detyrë. Në mungesë të kardinalit Valter Kasper, kërkesa e tij u
paraqit nga sekretari i Kolegjit Kardinalor, imzot Manuel Monteiro de Kastro.