Պենետիկտոս ԺԶ Սրբազան Քահանայապետի Գործունէութիւնը

Շաբաթ 19 փետրուար 2011-ի՝ առաւօտեան ժամը 11-ին Պենետիկտոս ԺԶ Սրբազան Քահանայապետին ներկայացուեցաւ Քահանայապետական 2011-ի Տարեցոյցը։
Նորին Սրբութիւնը ժամը 11-ին ընդունեց Փիլիպպեան կղզեխումբի եպիսկոպոսական համահաւաք դասի 6 եպիսկոպոսներ, եկած կատարելու՝ իրենց հնգամեայ կանոնական այցելութիւնը սուրբ Պետրոսի յաջորդին։
Ժամը 12-ին Գլեմենդինա սրահին մէջ Սրբազան Քահանայապետը ունկնդրութիւն շնորհեց Փիլիպպեաններու Քահանայապետական Վարժարանի հասարակութեան (թիւով 70) անոր հիմնարկութեան 50 ամեակին առթիւ։
Յետ միջօրէին Սրբազան Քահանայապետը հանդիպում ունեցաւ Եպիսկոպոսներու Ժողովի Նախագահ Կարտինալ Մարք Ուէլլէի հետ։