Білеты на папскія цырымоніі і аўдыенцыі заўсёды бясплатныя
Прэфектура папскага
дому перасцерагае ад "небяспечных прапановаў", якія датычаць "удзелу і платных білетаў
на папскія аўдыенцыі і цырымоніі, асабліва беатыфікацыю Слугі Божага Яна Паўла II
у нядзелю 1 мая 2011 г.". Такія прапановы з’яўляюцца ў асноўным у Інтэрнэце. У сувязі
з гэтым, Прэфектура абвясціла, што для ўдзелу ў беатыфікацыі папы Яна Паўла II білеты
не будуць патрэбныя.
Акрамя таго, "білеты, якія выпускае Прэфектура папскага
дому з нагоды папскіх цырымоній і агульных аўдыенцый заўсёды бясплатныя і ні адна
асоба або ўстанова не можа патрабаваць якой-небудзь аплаты за іх", - гаворыцца ў заяве,
апублікаванай сёння Заляй Друку Апостальскай Сталіцы.