Papa ipeshkvijve të Filipineve: vetëm miqësia me Zotin i copëton verigat e vetmisë,
që peshojnë rëndë mbi njerëzimin.
(18.02.2011 RV)Joshja e kësaj bote nuk mund ta përmbushë dëshirën e njeriut
për të qenë i lumtur. Vetëm miqësia e vërtetë me Zotin mund t’i këpusë verigat e vetmisë
- këtë pohoi sot paradite Benedikti XVI, duke iu drejtuar prelatëve të Konferencës
Ipeshkvnore të Filipineve, në Vatikan për vizitë ad Limina. Filipinet vijojnë
të përballojnë sfida nga më të ndërlikuarat në fushat e ndryshme të zhvillimit ekonomik.
Vështirësive ekonomike u shtohen edhe ato shpirtërore, në një vend ku nuk është aspak
e lehtë t’i ndihmosh njerëzit për ta realizuar plotësisht vetveten, duke gjetur kështu
edhe lumturinë, aq të dëshiruar. Për këtë realizim punon Kisha, së cilës sot i duhet
të kapërcejë shumë pengesa, të vjetra e të reja: Filipino
culture is also confronted with the more subtle… “Kultura filipine
është edhe përballë problemesh të tjera, më të vështira, që kanë të bëjnë me shekullarizmin,
materializmin e konsumizmin e kohëve tona”. Rruga për të zbuluar fatin
e vërtetë të njerëzimit, mund të gjindet vetëm në se Zoti zë përsëri vendin e parë
në mendjen e në zemrën e çdo njeriu. Detyra e ungjillëzimit – shpjegoi Papa – është
të propozojë lidhjen personale me Krishtin. Impenjimit të klerit – vërejti Benedikti
XVI – i shtohet, pastaj, edhe impenjimi i shekullarëve, të cilët kanë nevojë ta dëgjojnë
kumtimin e Ungjillit në tërësinë e tij, për ta kuptuar mirë rolin që duhet të luajnë
në Kishë, në familje e në shoqëri. Në Filipine, falë punës së kujdesshme të Kishës
vendase, feja zë një vend tejet të rëndësishëm në jetën e shumë të rinjve: “I
encourage you to continue to remind... Ju inkurajoj të vijoni t’u
kujtoni të rinjve se joshjet e kësaj bote nuk mund ta plotësojnë dëshirën e tyre për
lumturi. Vetëm miqësia e vërtetë me Zotin do t’i copëtojë verigat e vetmisë, që peshojnë
rëndë mbi shpirtin e brishtë të njeriut e do të sigurojë bashkimin e vërtetë e të
vazhdueshëm me të tjerët”. Përveç kësaj – vijoi Benedikti XVI – i duhet
kushtuar vëmendje e posaçme edhe edukimit të të rinjve me frymën e sakramenteve, tejet
të rëndësishme për jetën e tyre, sepse mjete të hirit hyjnor: “This is particulary
true of the sacrament of matrimony… “E kjo është veçanërisht
e vërtetë për Sakramentin e martesës, i cili e shenjtëron jetën bashkëshortore, qysh
në zanafillën e saj, në mënyrë që prania e Zotit të mund t’i mbështesë bashkëshortët
e rinj për kapërcimin e vështirësive të jetës”. Papa shprehu gëzimin e
tij për rritjen e vazhdueshme të numrit të të rinjve filipinas që, duke iu përgjigjur
thirrjes së Zotit, shtojnë, në mënyrë të ndjeshme radhët e priftërinjve e të rregulltarëve.
Sukses i madh, ky, i Kishës vendase. Megjithatë – shtoi Ati i Shenjtë – në disa dioqeza
numri i meshtarëve nuk është akoma i mjaftueshëm për të përballuar nevojat shpirtërore
të popullsisë katolike, në rritje të vazhdueshme: Në përfundim Benedikti XVI uroi
që…: “May the Church’s mission of evangelization be sustained…
“… misioni i Ungjillëzimit të Kishës të mbështetet nga dhantitë e mrekullueshme, të
cilat Zoti ua dhuron atyre, që i thërret në rrugën e Tij”.