У Ватыканскіх музеях пройдзе выстава работ Фабержэ

У красавіку ў Ватыкане адкрыецца ўнікальная выстава работ Карла Фабержэ. Фонд "Сувязь часоў" расійскага бізнесмена Віктара Вексельберга больш за год вёў перамовы са Святым Пасадам аб арганізацыі выставы ў Ватыканскіх музеях. Працягласць перамоваў ён патлумачыў высокімі патрабаваннямі музея да калекцый.

Выстава адкрыецца 14 красавіка, напярэдадні Вялікадня. "Калекцыю для экспазіцыі адбіралі спецыялісты Ватыкана, у яе ўвайшло 180 экспанатаў, якія распавядаюць аб гісторыі Расіі і трагічнай гісторыі царскай сям'і, паколькі некаторыя прадметы вырабляліся па замове цара Мікалая II", - распавёў Віктар Вексельберг.