Найбуйнейшы ўніверсітэт Індыі створыць “Кафедру Маці Тэрэзы”
У найбуйнейшым універсітэце
Індыі будзе створана "Кафедра Маці Тэрэзы". Як паведаміла 16 лютага нацыянальная епіскапская
канферэнцыя, спасылаючыся на ўніверсітэцкі бюлетэнь, Нацыянальны ўніверсітэт імя Індзіры
Гандзі прапануе ў будучыні стварыць адмысловы навучальны курс у галіне сацыяльнай
працы, апекі над бежанцамі і мігрантамі, беспрытульнымі дзецьмі і іншымі сацыяльна
неабароненымі групамі, а таксама весці навукова-даследчыя праекты па барацьбе са СНІДам,.
Новая
кафедра павінна заснаваць у будучым адмысловыя прэміі ў галіне сацыяльнай працы ў
памяць аб Маці Тэрэзе з Калькуты. Акрамя таго, установа будзе намагацца, каб дзень
нараджэння заснавальніцы Кангрэгацыі сясцёр міласэрнасці 26 жніўні штогод адзначаўся
ў Індыі як "Нацыянальны дзень любові да чалавека". Канферэнцыя Біскупаў Індыі вітае
такое рашэнне ўніверсітэта, які мае 2,8 млн. студэнтаў і з’яўляецца найбуйнейшай навучальнай
установай краіны. Іерархі адзначаюць, што гэта гонар для Маці Тэрэзы і Касцёла.
Заснавальніца Кангрэгацыі сясцёр міласэрнасці і лаўрэат Нобелеўскай прэміі міру
Маці Тэрэза з Калькуты (1910-1997) была абвешчана Янам Паўлам ІІ благаслаўлёнай у
2003 годзе.