“L’Osservatore Romano” аб эканамічных праблемах Еўрасаюза
Сённяшнее выданне
“L’Osservatore Romano” закранае тэматыку эканамічнай сітуацыі ў Еўрасаюзе. 15 лютага
ў Бруселі Еўрапейскі Саюз дасягнуў пагаднне па ўмацаванню праекта адзінага еўрапейскага
валютнага фонда, які дазволіць выратаваць у хуткім часе дзяржавы-члены Саюза ад крызісу
запазычанасці, якая падрывае асновы супольнасці. Будучая сістэма павінна “замяніць
з 2013 года існуючы фонд дапамогі дзяржавам-членам ” і атрымае 500 мільярдаў еўра
дапамогі.
Застаецца вырашыць падрабязнасці дзейнасці гэтага супольнага фонда,
які будзе ўдзяляць пазыкі краінам, якія знаходзяцца ў фінансавых цяжкасцях. Ужо вядома,
што сваю дапамогу ў праект унясе Міжнародны Манетарны Фонд. Як адзначыў кіраўнік Еўрагрупы,
спадар Юнкер, “ёсць шмат тэхнічных пытанняў, якія трэба яшчэ вырашыць. А для некаторых
з іх мы павінны чакаць вынікаў сустрэчы кіраўнікоў дзяржаў і ўрадаў Еўропы, якая адбудзецца
11 сакавіка гэтага года”.
Антыкрызісны пакет павінен быць разгледжаны на сустрэчы
Еўрапейскага Саюза, якая адбудзецца 24 сакавіка. На ёй будзе абмеркавана таксама рэформа
Пакту стабільнасці і росту.
Ніякае рашэнне пакуль што не было прынята аб умацаванні
фонда эканоміі еўрапейскіх дзяржаў, на які было выдзелена 440 мільярдаў еўра, а выкарыстана
толькі 250 мільёнаў. Асабліва Германія заклікае да большай гарантыі ў выкарыстанні
фінансавых сродкаў з боку краін, якія маюць найбольшыя эканамічныя цяжкасці.