(16.02.2011 RV)Në Egjipt vazhdon riorganizimi institucional i fazës së tranzicionit
pas dorëheqjes së presidentit Mubarak. Ushtria, e cila ka në dorë vendin, deklaroi
se do të paraqesë brenda 10 ditësh amendamentet për Kushtetutën. Brenda dy muajsh
do të organizohet referendumi për miratimin e saj. Ndërkaq, grupe të ndryshme për
të drejtat e njeriut njoftojnë se ka shumë persona të zhdukur, fati i të cilëve nuk
dihet. Gjithnjë e më i rëndë edhe bilanci i viktimave. Nuk ka shifra zyrtare, por
sipas Kombeve të Bashkuara, numri i të vdekurve arrin në 300.