Në Shqipëri presidenti Topi kërkon të vendoset dialogu politik
Presidenti i Shqipërisë, Bamir Topi përsëriti thirrjen e tij për rivendosjen e dialogut
politik, me qëllim nxjerrjen e vendit nga kriza, të cilin e bëri pas një takimi me
komisionerin për të Drejtat e Njeriut të KE, Tomas Hamarberg. "Rivendosja e dialogut
politik është e domosdoshme për situatën që po kalojmë. Dialogu politik është i nevojshëm
për realizimin me sukses të zgjedhjeve të 8 majit", deklaroi Topi. Nga ana tjetër,
komisioneri Hamarberg kërkoi që ngjarjet e 21 janarit, ku katër persona humbën jetën,
të hetohen në mënyrë të paanshme. Ndër të tjera, gjatë takimit të zhvilluar, Topi
vlerësoi rolin e KE në Shqipëri, për intensifikimin e proceseve reformuese. "Jam i
angazhuar për promovimin e vlerave demokratike dhe mbrojtjen e të drejtave të njeriut",
është shpreh presidenti Topi.