Публічны кансісторый па кананізацыі благаслаўлёных
У наступны панядзелак,
21 лютага, адбудзецца публічны кансісторый па кананізацыі благаслаўлёных. Падчас яго
будуць разгледжаны справы некалькіх кандыдатаў да кананізыцыі. Сярод іх: Гвіда Марыя
Канфорці, заснавальнік місіянерскай супольнасці св. Францішка Ксаверыя, кс. Луіджы
Гуанэлла, заснавальнік Кангрэгацыі слугаў любові і Інстытута дачок Святой Марыі ад
Божага Провіду, а таксама Баніфацыя Радрыгес дэ Кастра, заснавальніца Кангрэгацыі
служабніц св. Юзэфа.
Благаслаўлёны Гвіда Марыя Канфорці, нарадзіўся ў Казарола
дэ Равадэзэ 30 мая 1865 г. У 30-гадовым узросце заснаваў кангрэнацыю св. Францішка
Ксаверыя для місій. Заставаўся яе прэфектам да самай смерці ў 1931 г. У 1902 г. папа
Леў ХІІІ прызначыў яго арцыбіскупам Равэнны.
Благаслаўлёны Луіджы Гуанэлла
нарадзіўся ў Францыска дэ Кампадальчына 19 снежня 1942 г. Быў знаёмы са св. Янам Боска
і асабіста сябраваў з папам Піям Х. Праз заснаванне двух манаскіх кангрэгацый прысвяціў
сваё жыццё клопату аб бедных і людзях з асаблівасцямі псіхічнага развіцця, аб старых,
дзецях і моладзі.
Благаслаўлёная Баніфацыя Радрыгез дэ Кастра нарадзілася ў
Саламанцы ў 1937 г. Працавала рабочай. Убачыўшы цяжкія ўмовы працы жанчын свайго часу,
заснавала кангрэгацыю, мэтай якой была падтрымка рабочых жанчын. За гэта была пераследвана
і вымушана пакінуць Саламанку.
Асобы новых святых падчас кансісторыя прадставіць
Бэнэдыкту XVI кардынал Анджэла Амато, прэфект Кангрэгацыі па справах Кананізацыі.