Այսօր Տօնն Է Լուրտի Տիրամօր

Եկեղեցւոյ կեանքէն ներս մասնաւոր տեղ կը գրաւեն երեւումներու որոշ վայրեր, ինչպէս՝ Լուրտ Եւ ֆաթիմա։Երեւումը յայտնութիւնն է Աստուծոյ, կամ հրեշտակներուն կամ սուրբերուն, այս պարագային Աստուածամօր։
Բիրենեան լեռներու ստորոտը 1858-ին ՜՜Լուրտը՝՝ 5000 բնակչութիւն ունեցող աննշան քաղաք մըն էր։ Սոյն տարուայ 11 փետրուարին, Պեռնատէթ անունով աղջնակ մը` Մասապիելի քարայրին առջեւ, կը տեսնէ Սպիտակ Զգեստով Տիկինը՝ որ Վարդարան կ՛աղօթէ։
14 փետրուարէն մինչեւ 4 մարտ տեղի կ՛ունենան 14 երեւումներ, իսկ 25 մարտին Տիկինը կը յայտնէ իր իքնութիւնը ՜՜Անարատ Յղացեալ՝՝։ 1862-ի 18 յունուարին՝ քննիչ յանձնախումբը կու տայ որոշումը, ընդունելով՝ ՜՜Երեւումներու Վաւերականութիւնը՝՝։ 1966-ին՝ կը մատուցուի առաջին պատարագը եւ 1871-ին կը կատարուի ՜՜Անարատ Յղութեան Եկեղեցւոյ՝՝ օծումը։
Պերնատէթ Սուպիրու ծնած էր 1844-ին։Հիւանդոտ, գրեթէ անուս, սակայն մաքուր հոգի մըն էր ան, ատակ` ունկնդրելու եւ փոխանձելու՝ ՜՜Աստուածային պատգամը՝՝։ Երեւումներէն ետք, ան կը քաշուի վանք ու կը նուիրուի կրօնաւորական կեանքին։ Կը վախճանի 1879-ին եւ կը սրբադասուի 8 դեկտեմբեր 1933-ին՝ Անարատ Յղութեան տօնին օրը։