Imzot Dodë Gjergji: qeveria e Prishtinës nuk ka kërkuar nga Vatikani njohjen e Kosovës.
Sot paradite në Vatikan, Sekretari i Shtetit të Selisë së Shenjtë për Marrëdhëniet
me Shtetet, kryeipeshkvi imzot Dominique Mamberti priti në takim ipeshkvin e Kosovës
imzot Dodë Gjergjin. Gjatë takimit të përzemërt, ministri i jashtëm i Vatikanit u
njoh nga imzot Gjergji me realitetin kishtar e shoqëror në Kosovë. Në bisedë u fol
mbi misionin e Kishës katolike në vend, kontributin e saj në përforcimin e vlerave
morale e demokratike në shoqërinë e re kosovare. U fol edhe mbi marrëdhëniet ndërfetare
e ato të Kishës me Shtetin. Më tej u trajtua edhe çështjen e njohjes së Kosovës nga
ana e Selisë së Shenjtë. Mbi këtë ipeshkvi imzot Dodë Gjergji denoncoi faktin që institucionet
qeveritare të Kosovës nuk kanë treguar interes për njohjen e Kosovës nga Vatikani,
siç dëshmon fakti që në Selinë e Shenjtë nuk është dërguar asnjë kërkesë zyrtare për
këtë çështje nga ana e qeverisë kosovare. Mbi këtë e takimin e sotëm të ipeshkvit
të Kosovës me Sekretarin e Shtetit të Vatikanit për Marrëdhëniet me Shtetet, imzot
Mamberti, të dëgjojmë intervistën e imzot Dodë Gjergjit në mikrofonin e don David
Gjugjës..........