Կարտինալ Գոխ Կը Մասնակցի ՜՜ֆոգոլարինի՝՝ Եկեղեցական Շարժումի Հաւաքին։

ֆոգոլարինի եկեղեցական շարժումը, փետրուար 8-11, կը կազմակերպէ միջազգային գիտաժողով մը, որուն իրենց մասնակցութիւնը կը բերեն աւելի քան 70 կարտինալներ եւ արքեպիսկոպոսներ եկած՝ աշխարհի զանազան երկիրներէն։ Ժողովին խօսք պիտի առնեն Հռոմի երեք բարձրաստիճան եկեղեցականներ. կարտինալ Ուելէ կառավարիչը եպիսկոպոպսներու ժողովին, կարտինալ Գոխ նախագահը եկեղեցիներու միութեան քահանայապետական խորհուրդին եւ կարտինալ Ռավազի նախծագահը մշակոյթի քահանայապետական խորհուրդին։
Ժողովականները չորեքշաբթի 9 փետրուարին պիտի մասնակցին Սրբազան Քահանայապետին հրապարակային ունկնդրութեան։ ֆոգոլարինի եկեղեցական շարժումի 35րդ հաւաքին բնաբանն է ''Յայտնաբերել Աստուծոյ ծրագիրները այսօր ''։