Спецыяльная рада па Блізкім Усходзе: хрысціяне маюць права на свабоду культу і рэлігіі
Сёння было апублікавана
паведамленне з пасяджэння Спецыяльнай рады па Блізкім Усходзе пры Генеральным сакратарыяце.
Яно праходзіла 20-21 студзеня ў Ватыкане і стала ўжо другім пасяджэннем такога роду.
Яго працай кіраваў арцыбіскуп Нікаля Этэравіч, Генеральны сакратар Сіноду Біскупаў.
У сённяшнім паведамленні гаворыцца, што галоўнай тэмай стала вывучэнне дакументаў
Сінода Біскупаў для Блізкага Усходу з мэтай падрыхтоўкі будучага постсінадальнага
дакумента папы Бэнэдыкта ХVI.
Пасля прамоваў членаў рады было ўстаноўлена,
што агульныя сацыяльна-палітычныя ўмовы ў многіх краінах Блізкага Усходу застаюцца
напружанымі. Хрысціянскія супольнасці асабліва ў месцах, якія моцна пацярпелі ад гвалтаў
і нападаў, патрабуюць матарыяльнай і маральнай падтрымкі і маюць права ажыццяўляць
сваю свабоду культу і рэлігіі. Пашана да хрысціянскіх супольнасцяў дапаможа спыніць
на Блізкім Усходзе магчымыя антыхрысціянскія дэманстрацыі, эміграцыю хрысціянаў з
гэтага рэгіёну, іх роднай зямлі, і спрыяць агульнаму дабру”, - адзначаецца ў паведамленні
Спецыяльнай рады па Блізкім Усходзе.