Інтэрнэт і адукацыя семінарыстаў – тэмы пясяджэння Кангрэгацыі Каталіцкай Адукацыі
Ролю Інтэрнэту ў фармацыі
семінарыстаў абмяркоўваюць удзельнікі пасяджэння Кангрэгацыі Каталіцкай Адукацыі.
Сустрэча пачалася сёння ў Ватыкане.
У ходзе абмеркавання будуць шырока разгледжаны
пытанні новых пакліканняў і фарміравання такіх умоў у семінарыях, якія б спрыялі развіццю
сталых пакліканняў у адпаведнасці з культурнымі зменамі.
У ходзе пленарнага
пасяджэння арцыбіскуп Юзэф Жыцінскі з Польшчы прадставіў план дакумента аб ролі Інтэрнэту
ў семінарыйнай фармацыі. Ён падкрэсліў, што Інтэрнэт павінен быць важным сродкам евангелізацыі
і па многіх прычынах можа палегчыць дабрачынную і пастырскую місію Касцёла.
У
той жа час, польскі іерарх адзначыў неабходнасць прыняцця дысцыпліны карыстання гэтым
сродкам камунікацыі, каб не аказалася, што для некаторых студэнтаў час праведзены
ў Інтэрнэце найважнейшы, а віртуальная рэальнасць мае прыярытэт над рэалізмам.
Удзельнікі
прыйшлі да высновы, што неабходна развіваць клопат пра гуманістычную культуру, веданне
вялікіх твораў класікі, аб сустрэчы жывога чалавека з яго болем і драмай жыцця. “Гэтых
каштоўнасцяў не можна схаваць за віртуальным бачаннем свету", - падкрэсліў арцыбіскуп
Жыцінскі.
У адпаведнасці з папярэднімі дакументамі Касцёла на тэму Інтэрнэту
ўдзельнікі нарады пагадзіліся, што неабходна прыкласці намаганні па фарміраванні новай
ментальнасці душпастыраў, якія не будуць з лёгкасцю адвяргаць новыя распрацоўкі ў
галіне тэхналогій, а выкарыстанне гэтых тэхналогій будзе кампанентам праграмы, у якой
Хрыстус будзе стаяць на першым месцы ў душпастырскай дзейнасці.
Пасяджэнне
Кангрэгацыі Каталіцкай Адукацыі, на чале якога стаіць кардынал Зянон Грахалеўскі,
прэфект гэтай ватыканскай дыкастэрыі, працягнуцца да 9 лютага.