У Эфіёпіі радыкальныя
ісламісты атакуюць хрысціянаў. У горадзе Бешэно, населенага пераважна мусульманамі,
у апошні час яны ажыццявілі серыю нападаў на мясцовых паслядоўнікаў Хрыста. Іх мэтай
было прымусіць вернікаў прыняць іслам або пакінуць горад. Па дадзеных перапісу з 2007
года амаль 94 працэнтаў жыхароў Бешэно з’яўляюцца мусульманамі, хрысціяне складаюць
каля 6 працэнтаў.
У выніку гэтых нападаў тры мясцовыя хрысціянскія лідэры былі
вымушаныя пакінуць горад, а некалькі хрысціянаў былі прымушаны прыняць іслам.
Улады
горада адмаўляюцца ахоўваць мясцовых паслядоўнікаў Хрыста, не згаджаюцца таксама на
будаўніцтва цэнтра малітвы і могілак. “Мы просім павагі да нашых правоў і рэлігійнай
свабоды. Мы не можам жыць у нашым горадзе з-за гэтых бесчалавечых паводзін”, - сказаў
адзін з хрысціянскіх лідэраў, які быў вымушаны пакінуць Бешэно.
У Эфіёпіі павялічваецца
працэнт нехрысціянаў, асабліва мусульманаў. Па афіцыйных дадзеных хрысціяне складаюць
крыху больш за 45 працэнтаў усіх жыхароў краіны, а паслядоўнікі ісламу каля 31 працэнта.
Ісламскія краіны эканамічна націскаюць на Эфіёпію, што можа прывесці да прынцыповай
змены ў рэлігійнай структуры гэтай краіны.