7 лютага ў Дакары,
сталіцы Сенегалу, пачаў працу сусветны форум грамадскіх арганізацый. У яго працы прымаюць
удзел, па розных дадзеных ад 20 тыс. да 40 тыс. членаў. Сярод іх ёсць прадстаўнікі
сялянскіх рухаў, жаночых арганізацый, моладзевых, экалагічных і спартыўных аб’яднанняў.
Як удзельнікі форума афіцыйна зарэгістравана 1200 арганізацый з 123 краін свету (з
якіх 45 з Афрыкі).
Сярод прысутных на мерапрыемстве Прэзідэнт Балівіі Эва
Маралес і Першы сакратар сацыялістычнай партыі Францыі Марцін Обрі. З дакладамі выступяць
былы Прэзідэнт Бразіліі Ігнасіо Лула Да Сільва і іншыя палітыкі і інтелектуалы, якія
займаюцца праблемай сусветнага голаду.
Тэмы, якія разглядаюцца на форуме разнастайныя:
сусветная эканоміка, справядлівасць, эміграцыя, культура, карупцыя.
У працы
форума прымаюць удзел таксама хрысціянскія арганізацыі. “Хрысціяне не могуць маўчаць
адносна пратэстаў супраць тых, хто выкарыстоўвае ўладу для ўласнай карысці, а таксама
для карысці сваіх сем’яў і сяброў, як адбываецца ў Егіпце і Тунісе, і без сумневу
ў іншых краінах”, - сказаў кардынал Тэадор Адрэн Сар, арцыбіскуп Дакару, пасля св.
Імшы, якая адбылася перад пачаткам працы форуму. “Хрысціяне павінны змагацца супраць
любой формы карупцыі, каб служыць бліжняму. Тое што адбываецца ў Егіпце і Тунісе,
з’яўляецца выклікам для ўсёй Афрыкі. Народы паказваюць, што могуць дзейнічаць масава,
каб паказаць сваё незадавальненне і выразіць свае спадзяванні. Гэтыя народныя выступленні
павінны паказаць урадам, што іх працу трэба паляпшаць. Калі гэтыя падзеі закончацца
пазітыўна, наступіць новая эра не толькі для насельніцтва Магрыбу, але і для ўсёй
Афрыкі. Трэба заклікаць афрыканскія ўрады да умацавання дабрабыту, здароўя, адукацыі
насельніцтва”, - дадаў кардынал Сар.