Французскі кармэліт правядзе сёлета рэкалекцыі ў Ватыкане

Французскі кармэліт босы а. Франсуа-Мары Летэль правядзе сёлета рэкалекцыі для Рымскай курыі з удзелам Святога Айца. Яны традыцыйна пройдуць у першы тыдзень Вялікага посту, ад нядзелі, 13 сакавіка па суботу, 19 сакавіка. У гэты час не будуць праходзіць папскія аўдыенцыі, у тым ліку агульная аўдыенцыя ў сераду.

Рэкалекцыяніст як тэму да разважанняў абраў: "Святло Хрыста ў сэрцы Касцёла - Ян Павел II і тэалогія святых". Айцец Франсуа-Мары Летэль мае 63 гады. З’яўляецца сакратаром Папскай тэалагічнай акадэміі і выкладчыкам тэалогіі духоўнасці ў рымскім універсітэце “Teresianum”.