Бэнэдыкт XVI: справядлівасць падчас спорнай сітуацыі можа разглядацца як чаканне любові,
якой жыве Касцёл
Сёння адбылася сустрэча
Святога Айца Бэнэдыкта XVI з працаўнікамі Найвышэйшага Трыбуналу Апостальскай Сігнатуры,
найважнейшага судовага інстытуту ў Каталіцкім Касцёле пасля Пантыфіка.
Падчас
гэтага спаткання Святы Айцец адзначыў, што заданне Найвышэйшага Трыбуналу не абмяжоўваецца
толькі рэалізацыяй судовай функцыі, але палягае таксама на тым, каб клапаціцца аб
справядлівасці ў Касцёле. Гэта магчыма здзейсніць праз збор актуальнай інфармацыі
аб стане і дзейнасці лакальных касцёльных судоў, а таксама праз павышэнне іх кампетэнцыі
супрацоўнікаў. “Гаворка ідзе аб скаардынаванай і церпялівай працы, мэтай якой з’яўляецца,
перш за ўсё, хутка і эфектыўна забяспечваць патрэбы вернікаў”, - адзначыў Святы Айцец.
Пантыфік
звярнуў увагу на тое, што Апостальская Сігнатура, займаецца вырашэннем спораў у справах
касцёльных адміністратыўных уладаў. “Праца Сігнатуры павінна спрыяць справядліваму
і спакойнаму вырашэнню спораў”, -сказаў Бэнэдыкт XVI.
Пантыфік дадаў, што ў
тых выпадках, калі спор немагчыма вырашыць спакойна, задача Найвышэйшага Трыбуналу
заключаецца ў тым, каб аднавіць касцёльнае адзінства і захаваць аб’ектыўны парадак,
згоднага з дабром Касцёла.
“Унутраны супакой і ахвотная праца вернікаў у місіі
Касцёла палягаюць на свядомасці самарэалізацыі ў паўнаце свайго паклікання. Справядлівасць,
аб якой клапоціцца Касцёл падчас спорнай сітуацыі можа разглядацца як пачатак, мінімальнае
намаганне, а таксама чаканне любові, якой жыве Касцёл. Божы народ, які пілігрымуе
па зямлі, не зможа рэалізаваць сваёй ідэнтычнасці, як супольнасці любові, калі ў ім
не будзе бачна імкненне да справядлівасці”, - адзначыў Бэнэдыкт XVI