Арцыбіскуп Токіо: Неокатэхуменат павінен часова прыпыніць дзейнасць
“Неокатэхуменальны
шлях павінен на "некаторы час" прыпыніць сваю дзейнасць у Японіі, каб ўсё абдумаць
і падрыхтавацца да новага дыялогу з мясцовым Касцёлам”, - сказаў Мітрапаліт Токіо
арцыбіскуп Петэр Такео Окада. У абвешчаным 2 лютага пасланні, ён адзначыў, што за
апошнія дваццаць гадоў біскупы прысвяцілі шмат часу вырашэнню праблем, звязаных з
прысутнасцю гэтага руху ў Японіі. Яго дзейнасць у гэтай краіне выклікала, на думку
іерарха, падзелы, канфлікты і хаос ў мясцовым Касцёле.
Арцыбіскуп Окада ўдакладняе,
што рашэнне, згодна з ранейшымі пастановамі, можа адносіцца толькі да яго дыяцэзіі.
Іерарх рэкамендуе членам руху разгледзець такі спосаб евангелізацыі, які б быў больш
адаптаваны да японскай сітуацыі. У першую чаргу гаворка ідзе пра адпаведную інкультурацыю.
Прапануе Неокатэхуменату засяродзіць увагу на доглядзе за хворымі і інвалідамі.
13
снежня мінулага года ў Ватыкане на сустрэчы Папы з пяццю японскімі біскупамі і прадстаўнікамі
Рымскай курыі, было вырашана, што іерархія павінна развіваць дыялог з Неокатэхуменатам,
каб стыль руху больш адпавядаў указанням пастыраў дыяцэзій. Было таксама вырашана,
што дыялог паміж епіскапатам і шляхам будзе праходзіць праз дэлегата, які “са зразуменнем
ставіцца да руху і паважае праблемы біскупаў". Акрамя таго, кожны біскуп павінен быў
пераказаць шляху парады, якім чынам дзейнічаць у яго дыяцэзіі.
Канфлікт Неокатэхуменату
з епіскапатам Японіі цягнецца шмат гадоў. Біскупы выказваюць меркаванне, што стыль
шляху не адпавядае мясцовай культуры і пастырскай праграме мясцовага Касцёла. Прадстаўнікі
руху са свайго боку звяртаюць увагу на тое, што мясцовы Касцёл занадта акцэнтуе дыялог
з іншымі культурамі і рэлігіямі і недастаткова займаецца пропаведдзю хрысціянства.