Святы Айцец да супольнасці "Эмануэль”: абвяшчайце Слова Божае
“У свеце, які часта
разгублены і шукае новых матываў для таго, каб жыць, святло Хрыста трэба несці ўсім.
Будзьце сёння сярод мужчын і жанчын гарачымі місіянерамі Евангелля, маючы падтрымку
ў жыцці, якое глыбока ўкарэнена ў Хрыста. З запалам абвяшчайце Слова Божае”. Да гэтага
заклікаў 3 лютага папа Бэнэдыкт ХVI членаў супольнасці "Эмануэль”, якая была заснаваная
ў Францыі П’ерам Гурсатам, беатыфікацыйны працэс якога пачаўся ў мінулым годзе.
Супольнасць
налічвае каля 7200 членаў і прысутнічае ў 64 краінах свету, перш за ўсё ў Францыі.
“Сёння, - працягваў Святы Айцец, - актуальнасць абвяшчэння Евангелля асабліва адчуваецца
ў сем’ях, так часта падзеленых, сярод моладзі і ў культурных колах. Зрабіце свой уклад
ва ўнутранае аднаўленне апостальскага дынамізму ў парафіях. Каб усюды ваша міласэрнасць
была святлом любові да Бога і стала сілай для пабудовы больш справядлівага і братэрскага
свету”, - сказаў Папа да членаў cупольнасці "Эмануэль”.