Егіпет: рэлігійныя лідэры бачаць прыкметы адзінства хрысціянаў і мусульманаў
“Масавыя
дэманстрацыі ў Каіры, якія працягваюцца другі тыдзень, не падзяляюць хрысціянаў і
мусульманаў, няма розніц ў паставе людзей на рэлігійнай глебе”, - заявіў Апостальскі
нунцый у Егіпце арцыбіскуп Майкл Фіцджэральд.
Папскі дыпламат пракаментаваў
апошнія падзеі ў сталіцы краіны. На яго думку, "бачна жаданне зменаў, а асноўным фактарам,
заўважальным у акцыях пратэсту, з’яўляюцца цяжкія сацыяльныя ўмовы, якія прыносяць
вялікія праблемы мясцовыхм жыхарам". Арцыбіскуп Фіцджэральд заявіў, што ў цэлым "адчуваецца
незадаволенасць адсутнасцю палітычных правоў, і вынікамі апошніх выбараў".
Ён
адзначыў, што дэманстрацыі выразна вольныя ад рэлігійных акцэнтаў, і ёсць шмат прыкметаў
супрацоўніцтва хрысціянаў і мусульманаў. "Не існуе рэлігійных падзелаў, а пратэстуючыя,
гэта проста грамадзяне Егіпта", - сказаў ватыканскі дыпламат.