Русская Праваслаўная Царква дазволіць святарам удзельнічаць у палітыцы ў выключных
выпадках
“Прадстаўнікі духавенства
змогуць удзельнічаць у палітычнай барацьбе толькі ў парадку выключэння”, - заявіў
кіраўнік Аддзела знешніх царкоўных сувязяў Маскоўскага Патрыярхата мітрапаліт Валакаламскі
Іларыён.
"Мы не ўносім ніякіх прынцыповых зменаў у Асновы сацыяльнай канцэпцыі
Рускай Праваслаўнай Царквы. Застаецца асноватворным прынцып няўдзелу духавенства ў
палітычнай барацьбе, у палітычных партыях, а таксама ў якіх бы то ні было выбарчых
або перадвыбарчых мерапрыемствах, звязаных з партыйнай дзейнасцю", - сказаў ён на
прэс-канферэнцыі ў Маскве.
Выключэннем могуць стаць тыя выпадкі, калі ўдзел
святара аказваецца неабходным для абароны інтарэсаў кананічнай Царквы.
Паводле
словаў Мітрапаліта Іларыёна, гэта не значыць, што Царква ніяк не павінна ўдзельнічаць
у палітычным жыцці краіны або грамадзян. "Натуральна, што Царква выказвае сваё меркаванне
па тых ці іншых пытаннях - сацыяльных, грамадскіх, маральнага характару, але яна не
можа займаць той ці іншы бок у палітычнай барацьбе, яна не можа падтрымаць адну партыю
ў процівагу іншай ", - адзначыў кіраўнік Аддзела знешніх царкоўных сувязяў.