У Іерусаліме адбываецца пасяджэнне Канферэнцыі Біскупаў краін Паўночнай Еўропы
З 31 студзеня па 7
лютага ў Іерусаліме адбываецца пасяджэнне Канферэнцыі Біскупаў краін паўночнай Еўропы,
падчас якога будуць абмяркоўвацца пытанні, якія маюць супольны інтарэс. Гэтая сустрэча
спалучана з пілігрымкай да святых месцаў і з’яўляецца жэстам падтрымкі з боку Касцёлаў
Паўночнай Еўропы хрысціянскіх меншасцяў Святой Зямлі. Іерархі жадаюць спрычыніцца
да дыялогу справядлівасці, міру, шматнацыянальнага і шматканфесійнага суіснавання.
Падчас пасяджэнняў біскупы абмяркуюць прыняцце агульных мер супраць злоўжыванняў
адносна дзяцей у некаторых дыяцэзіях і распрацуюць адзіныя “нормы” адносна гэтага
пытання для тэрыторыі, якая знаходзіцца пад юрысдыкцыяй біскупскай канферэнцыі. Іерархі
звернуць таксама ўвагу на пытанні ідэнтычнасці і фармацыйных прынцыпаў у духоўнай
семінарыі, а таксама на стаўленне Каталіцкага Касцёла да так званых гомасексуальных
шлюбаў. Гэтыя пытанні будуць адлюстраваныя ў адмысловым пастырскім лісце, які стане
падсумаваннем сустрэчы.