“Давайце не баяцца
багацця!” – такі заклік з'явіўся на старонках „Palabra Nueva”, выдання Гаванскай
архідыяцэзіі на Кубе. Газета сцвярджае, што трэба пагадзіцца са з'яўленнем прыватнай
уласнасці, што дазволяць рэформы, абвешчаныя кубінскім урадам. Яны ўступяць у сілу
ўвесну гэтага года і ўключаюць у сябе магчымасць адкрываць прыватныя прадпрыемствы.
На Кубе існуе сістэма, якая ў 95 працэнтах заснавана на дзяржаўнай маёмасці.
“З'яўленне багатых людзей можа стаць складанай этычнай праблемай, аднак, шырока
распаўсюджаная беднасць з'яўляецца не менш сур'ёзным выклікам і нават пагрозай для
нашага грамадства”, - гаворыцца ў касцёльным выданні.
У артыкуле звяртаецца
ўвага на тое, што супрацьстаянне багатаму чалавеку толькі таму, што ён багаты, асабліва,
калі "не ведаем, як ён стаў багатым, або, што ён робіць з гэтым багаццем”, могуць
паходзіць, між іншым, з "памылковых ідэалагічных перакананняў або проста з заздрасці".
Выданне „Palabra Nueva” тлумачыць, што зло не ў багацці або беднасці, але
ў тым, "якім чынам яны перажываюцца чалавекам".